Find us on Facebook
TAGS
PSA Sex Գոնոռեա ամորձու և մակամորձու բորբոքում արյունամիզություն բալանիտ բալանոպոստիտ բժիշկ-հիվանդ հարաբերություն գիրություն էրեկտիլ դիսֆունկցիա թլփատում խլամիդիա կանանց սեռական դիսֆունկցիա կնոջ սեռական կյանք միզաքարային հիվանդություն միզուկաբորբ միզուղիների ինֆեկցիաներ շագանակագեղձ շագանակագեղձի ադենոմա շագանակագեղձի արտազատուկ շագանակագեղձի բարորակ հիպերպլազիա շագանակագեղձի բիոպսիա շագանակագեղձի բորբոքում շագանակագեղձի հիվանդություններ շագանակագեղձի ներմիզապարկային մասնատում TURP շագանակագեղձի քաղցկեղ շաքարային դիաբետ պրոստատիտ սեռական կյանք սեռական ճանապարհով փոխանցվող ինֆեկցիաներ սեռական մղում սեռական ցանկություն սերմնաժայթքման խանգարումներ սերմնահեղուկ սեքս վաղաժամ սերմնաժայթքում վարիկոցելե տեստոստերոն տղամարդու անպտղություն տղամարդու ապրելակերպ տղամարդու առողջություն տղամարդու սեռական կյանք ցիստիտ օրգազմի բացակայություն ֆիմոզ

Posts Tagged ‘տղամարդու ապրելակերպ’

Երկարացած կամ ուշացած սերմնաժայթքումը համարվո՞ւմ է նորմալ։

Հարց։

Ամուսնուս մոտ սեռական ակտի տևողությունը մինչև 1 ժամ է, արդյո՞ք դա նորմալ է։Ռաֆֆի Ջանեցյան, ուրոլոգ

Պատասխան։

Սովորաբար ամուսնական կյանքում երկարատև սեռական հարաբերությունը շատ հաճելի իրողություն է զույգերի և հատկապես կանանց համար։

Բայց երկարատև սեռական հարաբերությունը ինքնին կարող է դրսևորվել 2 պատճառներով․֊

  1. Եթե ձեր երկուսի սեռական հարաբերությունը տեղի է ունենում սիրով, և ամուսնու մոտ կարողություն կա սեքսի տևողությունը երկարեցնել, ապա դա շատ դրական է անդրադառնում ձեր առողջության վրա։
  2. Իսկ եթե ձեր ամուսինը մեծ սիրով ու ցանկությամբ չի մոտենում ձեզ, լարված է հարաբերության ժամանակ, դժվարանում և ուշանում է սերմնաժայթքումը, ապա դա համարվում է սերմնաժայթքման խանգարում։ Ուշացած սերմնաժայթքման (Delayed ejaculation) պատճառները բազմաթիվ են՝ հոգեբանական, օրգանական, հորմոնալ, նյարդային և դեղորայքային։ Այս դեպքում ցանկալի է դիմել ուրոլոգիական խորհրդատվության՝ պարզելու տվյալ խնդրի պատճառը և վերականգնելու ձեր ամուսնու առողջությունը։

Տարակարծություններ PSA-ի մասին (Controversies about PSA)

Տարակարծություններ PSA-ի մասին

(Controversies about PSA)

PSA

Պրոստատիկ սպեցիֆիկ անտիգենը (PSA) շագանակագեղձի էպիթելյալ բջիջների կողմից արտադրվող սպիտակուց է: Այս անտիգենը շրջանառության մեջ է մտնում արյան մեջ եւ ունի կարեւոր նշանակություն, հատկապես շագանակագեղձի քաղցկեղի ախտորոշման հարցում:

Սակայն PSA-ի բարձր մակարդակը (>4նգ/մլ) իրականում միշտ կապված չէ շագանակագեղձի քաղցկեղի հետ։ Երբեմն այդ բարձրացումը կապված է լինում շագանակագեղձի բորբոքման (պրոստատիտ) կամ ադենոմայի հետ։ Կան նաև այլ վիճակներ, որից հետո կարող է նույնպես նկատվել PSA-ի բարձրացում, օրինակ՝ շագանակագեղձի մասաժ, սերմնաժայթքում, երկար հեծանիվ վարել ևայն։

Շագանակագեղձի քաղցկեղի ախտորոշման մեջ PSA-ից բացի պետք է հաշվի առնել հիվանդի տարիքը, ընդհանուր առողջական վիճակը, ընտանեկան պատմությունը ևայլն։ PSA-ի սկրինինգը լավ գործիք է շագանակագեղձի քաղցկեղի վաղ ախտորոշման համար։ Սովորաբար խորհորդ է տրվում 45-50 տարեկանից սկսյալ տարին մեկ անգամ կատարել այս քննությունը։ Այս քննությունը կատարելու ժամանակացույցն ու հաճախականությունը տարբեր է։ PSA-ի նորման համարվում է մինչև 4նգ/մլ։ Սովորաբար մինչև 2նգ/մլ մակարդակի դեպքում կարելի է կատարել տարեկան մեկ անգամ, իսկ ավելի բարձր՝ տարին 2 անգամ։PSA

Շագանակագեղձի քաղցկեղի ախտորոշման համար շատ կարևոր է կիրառել օժանդակ հետազոտման մեթոդները՝ ուղիղ աղիքային մատնային քննություն, երբեմն ուղիղաղիքային սոնոգրաֆիա, ՄՌՏ և վերջապես՝ շագանակագեղձի բիոպսիա։

Շատ հաճախ PSA-ի հետազոտման արդյունքում առաջանում են կեղծ դրական կամ կեղծ բացասական արդյունքներ։ Կեղծ դրական տվյալը (բարձր PSA և քաղցկեղի բացակայություն) առաջացնում են լարվածություն թե հիվանդի և թե նրա ընտանիքի համար։ Իսկ այսպիսի հիվանդներին լրացուցիչ ու հաճախակի շագանակագեղձի պունկցիոն բիոպսիա կատարելը կարող է բերել մի շարք բարդությունների, ինչպիսին են ցավը, արյունամիզությունը և բորբոքումը։ Իսկ կեղծ բացասական պատասխանները (ցածր PSA և քաղցկեղի առկայություն) նույնպես ուշադրության արժանի են, քանի որ այս պարագայում վրիպում է քաղցկեղի վաղ ախտորոշումը։

PSA-ը նույնպես շատ կարևոր գործիք է շագանակագեղձի արմատական հեռացումից հետո ուռուցքային հիվանդության հսկողության առումով։ Հետևաբար նրա բարձրացումը կարող է ուռուցքի կրկնության նշան լինել։ Նա նույնպես հակաքաղցկեղային դեղորայքային բուժման հաջողության կամ ձախողության ցուցանիշ է։

Ամփոփ խորհուրդներ։

  • 45-50 տարեկան տղամարդկանց խորհուրդ է տրվում տարին մեկ անգամ դիմել ուրոլոգիական խորհրդատվության։
  • Ուրոլոգի ցուցումով կատարել՝ PSA քննություն, ուղիղ աղիքային մատնային քննություն, սոնոգրաֆիա, անհրաժեշտության դեպքում ուղիղաղիքային սոնոգրաֆիա։
  • Հսկողություն սահմանել հատկապես ռիսկային հիվանդների նկատմամբ, ում հարազատները (հայր, հօրեղբայր, եղբայր) ունեցել են շագանակագեղձի քաղցկեղ։
  • Չուրախանալ ցածր PSA-ի կամ տխրել՝ բարձր PSA-ի դեպքում։
  • Ուրոլոգի կողմից PSA-ի և հետազոտման այլ մեթոդների համատեղ կիրառումն ու ճիշտ վերլուծությունը, ինչպես նաև ժամանակին շագանակագեղձի բիոպսիայի կատարումը կարևոր է շագանակագեղձի քաղցկեղի վաղ ախտորոշման համար։

Ռաֆֆի Հ․ Ջանեցյան, ուրոլոգ


Այս թեմայի մասին ձեր հարցերը կարող եք հղել հոդվածի հեղինակ, բժ․՝ Ռաֆֆի Ջանեցյանին

Բոլոր դաշտերը լրացնելը պարտադիր է
Ձեր անուն, ազգանունը
Ձեր էլ. հասցեն
Թեմա
Ձեր հաղորդագրությունը
Մուտքագրեք պատկերված կոդը captcha
 

Սեռավարակներ, նրանց բարդություններն ու կանխարգելումը

Հայաստանում ամենատարածված սեռավարակները, բարդություններն ու կանխարգելումը

Սեռական ճանապարհով փոխանցվող հիվանդություններ բազմաթիվ են: Դրանցից որոշները մարդկությանը հայտնի են դարեր ի վեր, սակայն կան այնպիսինները, որոնք միայն վերջերս են հայտնի դարձել:

Այս հիվանդությունները կարող են լուրջ խնդիր դառնալ սեռական կյանքով ապրող ցանկացած մարդու համար: Բժշկության ու տեխնոլոգիաների զարգացումը, ցավոք, շատ չի օգնել մարդկությանը ապահով սեքսի հարցում, ինչի հետևանքով սեռավարակները շարունակում են տարածվել: Med.tert.am-ը զրուցեց «Ուրոլոգիայի կենտրոն», Նյու Մեդ կլինիկայի բժիշկ-ուրոլոգ՝ Ռաֆֆի Հ. Ջանեցյանի հետ և փորձեց պարզել, թե որ սեռավարակներն են ամենից շատ տարածված ՀՀ-ում, ինչպես կարելի է կանխել դրանց տարածումը և ինչ բարդություններ կարող են առաջանալ ոչ պատշաճ բուժման դեպքում:

Պարոն Ջանեցյան, որո՞նք են Հայաստանում ամենատարածված սեռավարակները և ինչպե՞ս կարելի է կանխել դրանց տարածումը:

  • Սեռավարակների կանխման համար հարկավոր է հետևել սեռական կյանքի հիգիենային, օգտագործել պահպանակներ և առհասարակ ունենալ սեռական հարաբերություններ միայն մեկ զուգընկերջ հետ: Հայաստանում, ինչպես և այլ երկրներում, հիմնականում տարածված են բակտերիալ վարակները, այսինքն խլամիդիան, գոնորեան, ինչու չէ նաև սիֆիլիսը, որն ավելի քիչ է տարածված և այլն: Սրանք բոլորն էլ սեռական ճանապարհով փոխանցվող հիվանդություններ են: Տարածված են նաև սնկային և վիրուսային վարակները, որոնք նույնպես կարող են փոխանցվել սեռական ճանապարհով: Դրանցից են հեպատիտ A-ն, որը նաև փոխանցվում է օրալ ճանապարհով և սեռական արտազատուկի միջոցով, հեպատիտ C-ն, որը նույնպես տարածվում է օրալ ճանապարհով, հեպատիտ B-ն, հերպեսները, մարդկային պապիլոմա վիրուսը և իհարկե Մարդու իմունային անբավարարության վիրուսը(ՄԻԱՎ):

Այսինքն, սեռավարակների տարածումը հիմնականում սեռական ճանապարհով է տեղի ունենում, բայց դրանք կարող են տարածվել նաև բերանի և վնասվածքների միջոցով։ Դուք նշեցիք, որ լինում են առանց ախտանշանների սեռավարակներ: Իսկ կարող եք ավելի մանրամասնել, թե ի՞նչ բարդությունների մասին է խոսքը։

  • Տղամարդկանց մոտ դրանք կարող են առաջացնել շագանակագեղձի քրոնիկ բորբոքում: Սա նշանակում է, որ այդ վարակները, օրգանիզմում հայտնվելով, կարող են ախտահարել շագանակագեղձը: Բացի այդ, դրանք կարող են ախտահարել նաև մակամորձին կամ ամորձին՝ առաջացնելով քրոնիկ, որոշ դեպքերում նաև սուր, օրխիտ՝ մակամորձու կամ ամորձու բորբոքում, ինչի հետևանքով կարող է առաջանալ սերմնատար ուղիների խցանումներ և անպտղություն: Հատկապես վտանգավոր է խլամիդիոզը, որը երկարատև չբուժելու դեպքում նույնպես հանգեցնում է անպտղության:

Այս ամենից կարելի՞ է ենթադրել, որ պարբերաբար բուժզննում անցնելը պարտադիր է, քանի որ նույնիսկ ախտանշանների բացակայության դեպքում վտանգի գործոնը, միևնույն է, բավական բարձր է:

  • Այո, հատկապես խոսքը վերաբերում է այն տղամարդկանց (կամ կանանց), որոնք վարում են ակտիվ սեռական կյանք տարբեր զուգընկերների հետ, ապա անկախ նրանից թե կան ախտանշաններ կամ ոչ, պարտավոր է պարբերաբար կատարել մի շարք հետազոտություններ։ Առանձնահատուկ կարևորություն ունեն ամուսնության շեմին կանգնած երիտասարդ զույգերը։ Մեր կենտրոնում կատարվում են բոլոր այդ հետազոտությունները, զույգերին տրամադրում ենք “առողջության սերտիֆիկատ”։ Բայց, ամեն պարագայում առողջության ամենակարևոր գրավականը ինֆեկցիաների կանխարգելումն ու առողջ ապրելակերպի վարումն է։

Հարցազրույցը վարեց Անահիտ Գյոլեցյանը

http://med.tert.am/am/news/2016/11/04/raffi-janesian/26029

Սմեգմա (Smegma)

Սմեգմա (Smegma)

Սմեգման, դա տղամարդու և կնոջ սեռական օրգանների կողմից արտազատվող նյութ է, որի բաղադրության մեջ մտնում են՝ էպիթելիալ բջիջներ, ճարպայուղեր և մաշկի խոնավությունը։

Սմեգման բնորոշ է և՛ տղամարդուն և՛ կնոջ։ Տղամարդկանց մոտ այն հանդիպում է առնանդամի գլխիկի և թլիփի, իսկ կանանց՝ հեշտոցամուտքի, ծլիկի և փոքր շրթերի շրջանում։

Տղա երեխաների մոտ նույնպես կարող է հանդիպել սմեգման և նրա ախտահարման նշաններից են՝ ցավը, կարմրությունը, բորբոքումն ու վերջապես՝ ֆիմոզը։ Հետևաբար նախասեռահասուն շրջանում տղաների թլփատման գլխավոր պատճառներից է համարվում սմեգմայի պատճառով առաջացած բորբոքային հիվանդությունը։

Սմեգմայի առաջացման պատճառները հիմնականում կապված են անձնական և սեռական կյանքի հիգիենայի հետ։Սմեգմա (smegma)

Սմեգմային բնորոշ է հոտը, քանի որ նրա միջավայրը շատ հարմար է միկրոբների աճի համար։
Տղամարդկանց մոտ քիչ քանակի սմեգման ունի խոնավացնեղ և սեռական հարաբերությունը հեշտացնեղ, իսկ շատը՝ առնանդամի գլխիկի ու թլիփի ախտահարման (բալանիտ կամ բալանոպոստիտ) պատճառ։ Սմեգման կարող է դժվարացնել նաև թլիփի տեղաշարժը՝ առաջացնելով տղամարդու համար ցավոտ ու անհարմար սեռական հարաբերություն։

Իսկ կանանց մոտ սմեգմայի առկայությունը կարող է բերել ծլիկի ցավոտության։

Սմեգմայի կանխարգելման համար հարկավոր է հետևել անձնական և սեռական հիգիենայի կանոններին և ամեն օր ջրով լվանալ սեռական օրգանները։

Սմեգման ինքնին վտանգ չի ներկայացնում, սակայն հատկապես չթլփատված տղամարդկանց մոտ նախ բերում է հոտի և դիսկոմֆորտի առաջացմանը, այնուհետև կարող է մեծացնել առնանդամի գլխիկի քաղցկեղի հավանականությունը։

Սերմնահեղուկի վրա ազդող գործոնները

Սերմնահեղուկի վրա ազդող գործոնները

(Factors influencing sperm quality)

Սերմնահեղուկի որակի վրա ազդող գործոնները բազմաթիվ են։ Այդ գործոնները առանձին կամ միասին կարող են բերել Տղամարդու անպտղության (Male Infertility)։ Այս գործոնների բացասական ազդեցության վերաբերյալ հավաստի տվյալների դժվար է հանդիպել, սակայն կան մի շարք ուսումնասիրություններ, որոնք առանձնացրել են միջավայրի և ապրելակերպի գործոնները, որոնք կարող են բերել սերմնաբջիջների քանակական և որակական փոփոխությունների։

Սերմնաբջիջ (spermatozoid)

Սերմնահեղուկի վրա ազդող բացասական գործոնները։

  1. Քիմիա: Բժիշկները պնդում են, որ ստերոիդները վատ են անդրադառնում սերմնահեղուկի որակի վրա, քանի որ նվազեցնում են սերմնահեղուկի շարժունությունը:
  2. Սեռական ճանապարհով փոխանցվող վարակներ: Օրինակ` տղամարդկանց մոտ խլամիդիոզը 33%-ով նվազեցնում է երեխա ունենալու հավանականութունը:
  3. Էկոլոգիա: Յուտայի համալսարանի գիտնականներն ապացուցել են, որ օդի աղտոտվածությունը նվազեցնում է սերմնահեղուկի շարժունությունը։
  4. Գերտաքացում: Բժիշկները տղամարդկանց խորհուրդ չեն տալիս աշխատել նոութբուքը ծնկներին դրած, կրել նեղ ներքնազգետ: Նստած դիրքով երկար ժամանակ մնալը` հատկապես մեքենա վարելիս, ևս հանգեցնում է գերտաքացման:
  5. Ինտելեկտ: Նյու-Մեքսիկոյի համալսարանի գիտնական Ջեֆրի Միլլերի հետազոտության համաձայն` ինտելեկտութալ առումով զարգացած տղամարդիկ գրանցել են նույնքան լավ արդյունքներ նաև իրենց սերմնահեղուկի հետազոտությունների արդյունքում: Զարմանալի է, բայց փաստացի կա ուղիղ կապ ինտելեկտւալ ունակությունների և սերմնահեղուկի որակի միջև:
  6. Սնունդ: Վիտամին C-ի և B12-ի, ինչպես նաև ցինկի պակասը վատ է անդրադառնում սպերմայի ակտիվության վրա:
  7. Ավելորդ քաշ: Հետազոտությունները վկայում են, որ ավելորդ քաշ ունեցող տղամարդկանց օրգանիզմում կան ավելի շատ աննորմալ սպերմատոզոիդներ, քան ավելորդ նորմալ քաշով տղամարդկանց մոտ: Այնուամենայնիվ սերմնահեղուկի շարժունության և կոնցենտրացիայի վրա ավելորդ քաշն ազդեցություն չունի:
  8. Վնասվածքներ: Ֆիզիկական ակտիվության որոշ ձևեր բացասական կերպով են ադնդրադառնում սերմնահեղուկի վրա: Լեռնային հեծանվավազքն, օրինակ, մշտապես ուղեկցվում է ամորձիների թույլ վնասվածքներով:
  9. Բջջային հեռախոսներ: Կլիվլենդի կլինիկայի մասնագետների անցկացրած ուսումնասիրությունները վկայում են, որ օրական չորս ժամից ավել բջջային հեռախոսի օգտագործումը շատ վատ է անդրադառնում սերմնահեղուկի որակի վրա, ըստ այդմ խորհուրդ չի տրվում հեռախոսը պահել տապատի դիմային գրպաններում:

Սերմնահեղուկի, տղամարդու անպտղության և նմանատիպ նյութերի հղումներ․֊

Սերմնահեղուկի բանկ (Sperm Bank)

Սերմնահեղուկի սառեցում (Sperm cryopreservation)

Սերմնահեղուկի մեջ արյուն լինելու պատճառները (Hematospermia)

Տղամարդու ապրելակերպի ազդեցությունը սերմի որակի և պտղաբերության վրա (Lifestyle and sperm quality)

Սերմնահեղուկի բանկ (Sperm Bank)

Սերմնահեղուկի բանկ (Sperm Bank)

Արհեստական բեղմնավորման առաջին փորձարկումներն սկսվել են դեռևս 18-ր դարում և անցկացվել են կենդանիների վրա: Կանանց բեղմնավորման փարձարկումները անցկացվել են մինչև սերմնահեղուկի բանկերի առաջացումը: Այսպես, 1785 թվականին Փարիզի համալսարանի  աշխատակից Մ. Դոյեն իր անպտղությամբ տառապող կնոջը ներհեշտոցային սրսկում իրականացրեց, ինչի հետևանքով ամիսներ անց զավակ ունեցան: Որոշ ժամանակ անց, 1790 թվականին բժիշկ Ջոն Հանթերը Շոտլանդիայից կատարեց ներարգանդային բեղմնավորում` օգտագործելով նրա հիպոսպադիա (միզուկի արտաքին բացվածքի անոմալիա) ունեցող ամուսնու սերմնաբջիջները:

Սերմնահեղուկի բանկ (Sperm Bank)

Սերմնահեղուկի առաջին բանկերը առաջացել են 1960-ական թվականներին Տոկիոյում և Այովա-Սիթիում: Մոր մարմնից դուրս բեղմնավորված առաջին երեխան ծնվել է 1978 թվականին և այժմ էլ առողջական որևէ խնդիր չունի: Այս մեթոդի անհրաժեշտությունը շուտով գիտակցեցին բազմաթիվ երկրներ, ինչը զարմանալի չէ, քանի որ այս եղանակով ունիկալ հնարավորություն է ընձեռնվում տղամարդկանց վերարտադորղական ֆունկցիաների պահմանման և անպտղության խնդրի լուծման համար:

Հետաքրքրական է, որ ոչ բոլոր երկրներն են օգտգործում այս մեթոդը, օրինակ` մուսուլմանական երկրներում նման միջամտություններն արգելված են և խստորեն քննադատվում են:

Անդրադառնալով սերմնահեղուկի բանկերի ժամանակակից կարգավիճակին` նշենք, որ դոնոր դառալ կարող է 18-35 տարեկան յուրաքանչյուր տղամարդ: Դոնորներն անցնում են համապատասխան ստուգումներ: Ինչ վերաբերվում է հարցի իրավաբանական կողմին, ապա ի սկզբանե նախատեսվում է, որ դոնորի օգնությանը դիմող զույգն ու անմիջական դոնորը միմյանց չեն ճանաչում, իսկ դոնորի անձնական տվյալները բժշկական գաղտնիքի առարկա են և որևէ մեկին փոխանցման ենթակա չեն: Այժմ շատ ակտուալ է այն հարցը, թե արդյոք ապագայում դոնորի և երեխայի հանդիպման հավանականություն կա թե՞ ոչ: Հարկ է նշել, որ նման հավանականությունը չնչին է հատապես մեծ երկրներում, քանի որ տարբեր քաղաքների արհեստական բեղմնավորման կենտրոնները դոնոր սերմնահեղուկը փոխանակում են միմյանց միջև երեխայի և դոնորի հանդիպման հավանականությունը նվազագույնի հասցնելու համար: Եթե միևնույն տարածաշրջանում 800 հազար բնակչության հաշվով միևնույն դոնորից ծնվում է 20 երեխա, ապա տվյալ դոնորի սերմնահեղուկի օգտագործումը դադարեցվում է տվյալ տարածաշրջանում:

Այժմ սերմնահեղուկի դոնորների կարիքը բավականին մեծ է, ինչը հատկապես նկատելի է Չինաստանում: Այստեղ դոնորներ ներգրավելու համար օգտագործել է անգամ iPhone 6s-ը, որով դոնորներին գայղթակղելու փորձ են արել: Արդյունքում ընդամենը երկու օրվա ընթացքում չինական Ուխանի քաղաքի սերմնահեղուկի բանկ են դիմել հազարավոր կամավորներ` ցանկալի սմարթֆոնը ստանալու փաստից ոգևորված:


Տղամարդու անպտղության վերբերյլ ձեր հարցերը կարող եք հղել ուրոլոգ՝ Ռաֆֆի Ջանեցյանին

Բոլոր դաշտերը լրացնելը պարտադիր է
Ձեր անուն, ազգանունը
Ձեր էլ. հասցեն
Թեմա
Ձեր հաղորդագրությունը
Մուտքագրեք պատկերված կոդը captcha
 

Ռաֆֆի Ջանեցյան։ Ձեր բոլոր ուրոլոգիական հարցերի պատասխանները Urolog.am կայքում

Ռաֆֆի Ջանեցյան։ Ձեր բոլոր ուրոլոգիական հարցերի պատասխանները Urolog.am կայքում

Համացանցում որևէ հարցի մասին տեղեկատվություն գտնելն այսօր բավական հեշտ է. ինֆորմացիան շատ է, ամենուր և բազմատեսակ…: Սակայն ինչ վերաբերում է առողջությանը, միայն տեղեկատվության հասանելիությունը բավարար չէ, հարկավոր է որ այն լինի նաև ճշգրիտ, հավաստի, և որ ամենացանկալին է՝ հաղորդվի անձամբ բժշկի կողմից:

Ռաֆֆի Ջանեցյան, ուրոլոգ

Doctors.am-ը զրուցեց բժիշկ-ուրոլոգ Ռաֆֆի Ջանեցյան հետ:

-Բժիշկ Ջանեցյան, ներկայացրեք, խնդրում եմ, ինչպես միտք ծագեց ստեղծել www.Urolog.am կայքը:Պրակտիկ բժշկի համար, մասնագիտության գործունեությանը զուգահեռ, արդյո՞ք դժվար չէ զբաղվել կայքի ադմինիստրատիվ աշխատանքով:

-Որպես ուրոլոգ, միշտ ցանկություն եմ ունեցել նախաձեռնել նման կայքի ստեղծումը, և արդեն շուրջ երեք տարի է գործում է Urolog.am կայքը: Կայքը վարում եմ ինքս, ինչը, ինչպես նկատեցիք, բավական բարդ է համադրել մասնագիտական գործունեության հետ, քանի որ տեղադրվող հոդվածները պատրաստում եմ ինքս, այցելուների կողմից հարցերին կրկին ես եմ պատասխանում:

Կայքը ստեղծելու միտքը ծագեց այն ժամանակ, երբ զգացի, որ տեղեկատվական դաշտը, հատկապես մասնագիտական և ուրոլոգիական, կարիք ուներ լրացման, արդիական թեմաների արծարծման, հոդվածների, որոնք ընթերցողին կարող են օգնել թե՛ խորհուրդներով, թե՛ իրենց խնդրին առավել մանրամասն ծանոթանալու իմաստով: Այն առաջին և դեռևս միակ հայալեզու ուրոլոգիական կայքն է:

-Իսկ ովքե՞ր են Ձեր ընթերցողները:

-Ի ուրախություն պետք է ասեմ, որ բացի հայաստանցի ընթերցողները, լսարանը մեծ է նաև արտերկրում, և սփյուռքի մեր հայրենակիցները ևս հետևում են կայքում տեղադրվող հոդվածներին, քանի որ այն երկրներում որտեղ ապրում են, գուցե լեզվական պատնեշը խոչընդոտում է բժշկի դիմել և ամբողջությամբ ներկայացնել խնդիրը: Այս կերպ նրանք կարողանում են գտնել գոնե նվազագույն տեղեկատվություն իրենց խնդրի մասին:

-Այսինքն, Urolog.am կայքը համացանցային բազմազանության մեջ կարող ենք համարել վստահելի աղբյուր, երբ թեման ներկայացնում է անմիջապես բժիշկը: Իսկ իրականացնու՞մ եք արդյոք մոնիթորինգ, թե մարդիկ հատկապես ո՞ր թեմաներով հոդվածներ են ցանկանում կարդալ: Ո՞ր խնդիրներն են այսօր արդի:

-Այո, իհարկե: Կայքի գործունեության կարևորագույն նպատակներից է արդիականությունը: Իմ մասնագիտական փորձն ինձ հուշում է, թե մարդկանց ինչն է առավել հետաքրքրում, ինչի մասին կուզեին կարդալ, դա հասկանում եմ նաև ինձ ուղղված նամակներից: Այս կերպ հավաքագրում եմ այն թեմաները, որոնք պետք է լուսաբանել հոդվածների միջոցով:

-Դուք՝ որպես ուրոլոգ, ունե՞ք նեղ մասնագիտացում: Ի՞նչ խնդիրներով, գանգատներով կարելի է Ձեզ դիմել:

-Զբաղվում եմ ընդհանուր ուրոլոգիական բոլոր խնդիրներով, դրանց՝ ինչպես թերապևտիկ, այնպես էլ վիրաբուժական բուժմամբ, մասնագիտացումս տղամարդու անպտղության խնդիրներն են, շագանակագեղձի հիվանդությունները, միզաքարային հիվանդությունը, սեռական դիսֆունկցիան, միզուղիների բորբոքումները, ինֆեկցիաները…։

-Տղամարդկանց մոտ ուրոլոգիական խնդիրներ մեծամասամբ առաջանում են հասուն տարիքում՝ 40-50 տարեկանից հետո, սակայն կայքի ընթերցողները, կարծում ենք, առավելապես երիտասարդներ են: Ի՞նչ ուրոլոգիական խնդիրներ կան, որ վերաբերում են երիտասարդ տղամարդկանց:

-Իհարկե, ինֆորմացիոն տեխնոլոգիաների այս ժամանակաշրջանում, համացանցից օգվում են հիմնականում երիտասարդները կամ միջին տարիքի մարդիկ, սակայն, ի զարմանս պետք է ասեմ, որ ունեցել եմ նույնիսկ 76 տարեկան հիվանդ, ով իր շագանակագեղձի խնդրին բավական լավ ծանոթացել էր հենց կայքի միջոցով:
Երիտասարդ տարիքային խմբի տղամարդկանց ավելի հետաքրքրում են միզուղիների բորբոքումները, սեռական ինֆեկցիաները, էրեկտիլ դիսֆունկցիան, սերմնաժայթքման խանգարումները, երբեմն նաև անպտղության խնդիրները: Միջին տարիքի՝ 45-50 տարիքի տղամարդիկ առավել հաճախ դիմում են սեռական ցանկության նվազման, շագանակագեղձի հետ կապված հիվանդություններով: Կանանց, որոշակի տարիքից հետո,  ավելի հաճախ հետաքրքրում են անմիզապահության, օրգազմի բացակայության խնդիրները, միզաքարային, բորբոքային հիվանդություններ և այլն:
Իմ կայքի այցելուները հիմնականում 25-55 տարեկան անձինք են: Հետաքրքրական է, որ կին-այցելուների թիվն էլ բավական մեծ է: Սա վկայում է այն մասին, որ կանայք ցանկանում են տեղեկացված լինել ինչպես սեփական, այնպես էլ իրենց զուգընկերների խնդիրների մասին, ցուցաբերել հետևողական մոտեցում: Սա, իհարկե, ողջունելի փաստ է:

-Կայքը ի՞նչ հաճախականությամբ է թարմացվում: Հաճա՞խ են տեղադրվում նոր հոդվածներ՝ արդի և հետաքրքիր թեմաներով:
-Սա մի փոքր ցավալի հարց է ինձ համար: Լինում է ժամանակահատված, երբ մեծ քանակությամբ նոր հոդվածներ եմ գրում և կայքում տեղադրում, պատահում է նաև, որ պրակտիկ գործունեության ծանրաբեռնվածությամբ պայմանավորված երբեմն ոչ այնքան ակտիվ եմ լինում: Սակայն կայքի այցելուների, իմ պացիենտների հարցերը և բազմաթիվ նամակները ինձ հաճախ «ստիպում են» գործի անցնել և թարմ ու արդիական հոդվածներ գրել:
Ուրախությամբ պիտի իմ ընթերցողին տեղեկացնեմ, որ շուտով նախատեսում եմ դրական փոփոխություններ կայքի աշխատանքի հարցում և նոր հոդվածների համալրում:

-Կարո՞ղ ենք ասել, որ ուրոլոգիական բոլոր հարցերը, որ կարող են առաջանալ անձի մոտ, սպառիչ պատասխան կգտնեն Ձեր կայքում:

-Գիտե՞ք, հետաքրքիր մի փաստ եմ նկատել, շատ հաճախ, երբ պացիենտը հետազոտությոան ընթացքում հարց է ուղղում ինձ, ներկայացնելուց հետո հղում եմ տալիս կայքին, որպեսզի նա այնտեղ կարդա իրեն անհրաժեշտ լրացուցիչ ինֆորմացիան:

Հնարավորին չափով փորձում եմ բավարար պատասխան տալ նամակագիրներին, սակայն ինքս, որպես մասնագետ , իհարկե ճիշտ չեմ համարում հեռակա բուժում նշանակել և հիմք ընդունել միայն անձի նկարագրած գանգատները: Սակայն կա մեկ այլ ճշմարտություն ևս. բժշկի կողմից տրված մեկ ճիշտ խորհուրդն անգամ կարող է ճիշտ ուղղություն ցույց տալ մարդուն:

-Եղե՞լ են նման դեպքեր և շնորհակալական նամակներ ընթերցողների կողմից:

-Իհարկե: Պատահում է, որ գրում են հեռու շրջանների բնակիչներ, զինվորներ, ում տվյալ պահին գուցե և հասանելի չէ բուժօգնությունը: Այս դեպքում փորձում եմ հնարավորության սահմանում անել հնարավորը՝ մարդուն ճիշտ ուղղորդելու համար: Իսկ շնորհակալական նամակներ հաճախ եմ ստանում և անչափ ուրախ եմ, որ կարող եմ օգտակար լինել իմ ընթերցողին:

-Նշված դեպքերում բուժօգնությունը հասանելի չէ, և այդ է պատճառը, որ մարդը չի դիմում բժշկի: Սակայն ի՞նչ կասեք այն բարդույթները, որ կային նախկինում՝ ուրոլոգի դիմելու հարցում, այժմ ևս առկա են, թե՞ դրական միտում կա:

-Ես համարում եմ, որ կա ակնհայտ առաջընթաց այս հարցում: Անդրադառնալով Urolog.am-ին, կարող եմ ասել, որ իմ առջև դրված է հենց վերոնշյալ գիտակցության բարձրացման և կյանքի որակի լավացման խնդիրը: Համոզված եմ, որ մարդը չպետք է ապրի իրեն տանջող պրոբլեմով:
Այսօր մեծաթիվ են միզարձակման, սերմնաժայթքման, վերարտադրողական խնդիրները, այդ պատճառով հարկավոր է բարձրացնել հասարակության գիտակցական մակարդակը, որպեսզի խնդրի դեպքում մարդիկ դիմեն համապատասխան մասնագետի:

-Հայտնի է, որ ամբողջ աշխարհում կա որոշ հիվանդությունների զարգացման աճ՝ քաղաքակրթությամբ պայմանավորված: Ինչպե՞ս է այս երևույթն անդրադառնում ուրոլոգիայի վրա, և ո՞րը կլինի Ձեր խորհուրդն ընթերցողին:

-Ինձ համար՝ որպես մասնագետ, սա կարևոր հարց է, և այդ պատճառով էլ իմ կայքում ունեմ առանձնացված բաժին՝ «Առողջ ապրելակերպ»:
Ավելորդ քաշ, ծխախոտի, ալկոհոլի չարաշահում, շաքարային դիաբետ, ֆիզիկապես ոչ ակտիվ ապրելակերպ. սրանք համաշխարհային լրջագույն խնդիրներ են, որոնցից, ցավոք, մեր երկիրը ևս հետ չի մնում: Այս խնդիրները կարող են առաջացնել և՛ անպտղություն, և՛ սեռական տարբեր խանգարումներ, միզարձակման խանգարումներ, ընդհուպ օնկոլոգիական հիվանդություններ:
Կարևորում եմ այս ամենի մասին տեղեկացնել ինչպես պացիենտներին, այնպես էլ իմ ընթերցողին:
Այսօր անչափ կարևոր է լինել տեղեկացված: Բոլորին հորդորում եմ բաց չթողնել այդ հնարավորությունը և տեղեկատվություն փնտրել միայն վստահելի աղբյուրներից: Շնորհակալ եմ թեմայի լուսաբանման և հարցազրույցի համար:

Հեղ.՝ Ամալյա Գրիգորյան
Սկզբնաղբյուրը՝ Doctors.am
29, ապրիլի, 2016

Ինտիմ կյանքը հիսունից հետո, մի՞ֆ թե իրականություն

Ինտիմ կյանքը հիսունից հետո՝ միֆ թե՞ իրականություն

Սեքսը մեծահասակների մոտ

Ներկայումս կա թյուր կարծիք, որ հիսունից հետո սեռական կյանքի վարումը վնաս է հասցնում առողջությանը կամ պատկերավոր ասած սպառում է օրգանիզմը։ Հիսունն անց տղամարդկանց մեկ երրորդը ենթադրում է, որ մշտական ինտիմ կյանքը վնասում է իրենց առողջական վիճակին: Սա ամենատարածված միֆն է տարեց մարդկանց սեքսուալության մասին։ Երկրորդ տեղում, թերևս իրենց կարծիքով իրենց իսկ կողակցի աչքերում ոչ բավարար հմայիչ լինելու կամ սեքսուալ ցանկություն առաջացնելու անկարողությունն է:

Փորձը ցույց է տալիս, որ մեր հասարակությանում նույնպես ինտիմ կյանքը բացառապես երիտասարդ և միջին տարիքի մարդկանց “արտոնությունն” է:

Սակայն, սեքսոլոգների հետազոտություններն ու դիտարկումները ցույց են տալիս տրամագծորեն հակառակ պատկեր։ Այսպես, հիսունից բարձր տարիքային խմբի ներկայացուցիչների մեծ մասը գուցե և ոչ ակտիվ, բայց կանունավոր ինտիմ կյանքով է ապրում: Ինտիմ հարաբերությունների հաճախականությունը ամուսնական և սիրային զույգերի մոտ հիսունից վաթսուն տարեկան հասակում միջինը շաբաթական մեկ անգամ է, իսկ հաջորդ տասնամյակում` տաս օրը մեկ անգամ: Սակայն այս տարիքային խմբի տղամարդկանց մոտավորապես մեկ երրորդը ինտիմ հարաբերություններ է ունենում շաբաթական երկու անգամ:

Ժամանակակից հետազոտողները պարզել են, որ տղամարդկանց ընդհանուր թվի մեկ չորրորդի սեքսուալ ակտիվությունը հիսունից հետո զգալիորեն ավելի մեծ է, քան 30-40 տարիքում: Սա բացատրվում է նրանով, որ հիսունից հետո վերանում են սեռական կյանքի որոշ խնդիրներ և անհանգստություններ, որոնք հատկապես զույգերի միջև կան ավելի երիտասարդ հասակում։

Հետաքրքրական են այժմյան հետազոտությունների արդյունքները հիսունն անց կանանց ինտիմ կանքի վերաբերյալ: Զարգացած երկրներում հետազոտությանը մասնակցած կանանց ավելի քան 30%-ը նշել են, որ իրենց հետաքրքրությունը ինտիմ կյանքի նկատմամբ մեծացել է, իսկ զգացողությունները դարձել են ավելի բուռն:

Ինչ վերաբերում է նույն տարիքային խմբի տղամարդկանց. սեռական հորմոնը` տեստոստերոնը արտադրվում է բավարար չափով մինչև ավելի ուշ տարիքային շեմ,քան կանանց մոտ էստրոգենը: Սակայն տարիքի հետ զուգընթաց նվազում են՝ սեռական օրգանների զգայնությունն ու սերմնահեղուկի քանակը: Արդյունքում սեռական գրգռվածությունն ավելի դանդաղ է հասունանում, սակայն ավելի երկար է տևում, քան երիտասարդ հասակում:

Հարկ է նշել նաև, որ կանանց մոտ կլիմաքսից հետո էստրոգենի և պրոգեստերոնի արտադրությունը նվազում է, տեղի են ունենում փոփոխություններ նաև սեռական օրգաններում, սակայն սեռական զգացողությունը հիմնականում չի փոփոխվում։

Հայտնի է նաև մի հետաքրքրական փաստ, երիտասարդ և միջին տարիքում տղամարդկանց մաքսիմալ սեռական ցանկության չափաբաժինն ընկնում է առավոտյան ժամերին, իսկ կանանց` երեկոյան: Այս հակասությունը պայմանավորված է սեռական հորմոնների արտադրությամբ, տղամարդկանց մոտ այն իր գագաթնակետին է հասնում առավոտյան, կանանց մոտ` ուշ երեկոյան, իսկ ահա քառասունհինգից հետո այս տարբերությունը աստիճանաբար կրճատվում է: Հետևաբար, այն ինչ ամուսնական զույգի մոտ քսան տարի առաջ հակասությունների և անգամ վեճի առիթ էր, այժմ գոհունակության և հաճույքի պատճառ․․․:

Տղամարդու անպտղություն ( Male Infertility)

Ռադիոառողջարան (FM106.5): Տարաբնույթ պատճառներով պայմանավորված անպտղությունը համարվում է դարի խնդիր: Այս հաղորդման ընթացքում urolog.am կայքէջի հիմնադիր, ուրոլոգ՝ Ռաֆֆի Ջանեցյանի հետ քննարկել ենք տղամարդու անպտղության պատճառները, ախտանիշներն ու բուժման միջոցները:

Ռադիոառողջարան (08.04.2015): Տղամարդու անպտղություն (Male infertility)

 

Ռաֆֆի Հ․ Ջանեցյան, ուրոլոգ

Ռաֆֆի Հ․ Ջանեցյան, ուրոլոգ

 

 

Ե՞րբ է տեղի ունենում սերմի փոփոխություն՝ վարիկոցելեի վիրահատությունից հետո։

Հարց։

33 տարեկան տղամարդ եմ։ Տառապում եմ անպտղությամբ շուրջ 3 տարի։ Վիրահատվել եմ վարիկոցելեի կապակցությամբ 7 ամիս առաջ։ Դեռևս հղիություն չկա, չնայած կատարել եմ սերմի քննություն (սպերմոգամա) վիրահատությունից 3 ամիս անց, և պարզվել է սերմնաբջիջների քանակի ավելացում, իսկ որակի ոչ։ Խնդրում եմ պարզել, թե ի՞նչ պետք է անել իմ խնդրին լուծում տալու համար։

Պատասխան։

Ռաֆֆի Ջանեցյան, ուրոլոգ

Ռաֆֆի Ջանեցյան, ուրոլոգ

Բազմաթիվ են այն տվյալները, որոնք վկայում են վարիկոցելէկտոմիայից հետո սերմի լավացման մասին։ Հետվիրահատական շռջանում առավելագույն դրական փոփոխությունը պետք է ակնկալել մեկ տարվա ընթացքում։ Հիմնականում, վիրահատությունից հետո հիվանդների 70%֊ի մոտ տեղի է ունենում նախ սերմնաբջիջների շարժունակության, այնուհետև քանակի և մորֆոլոգիայի փոփոխություններ։

Իսկ վարիկոցելեի վիրահատական բուժման հակասական արդյունքները կարող են պայմանավորված լինել մի շարք գործոններով, որոնցից են․֊

  • վիրահատության տեսակը (սերմնալարի զարկերակի պահպանումով կամ առանց)
  • երկկողմանի կամ միակողմանի վարիկոցելեի առկայություն
  • վարիկոցելեյի աստիճան
  • ընդհանուր պատճառներ (ապրելակերպ, ծխախոտ, գիրություն, ստրես․․․)

Շատ կարևոր է միաժամանակ ուշադրություն դարձնել կնոջ անպտղության խնդիրներին (եթե կան)։ Ինչպես նաև հետվիրահատական շրջանում կրկնել սերմի քննությունը (3 ամիսը մեկ) և կատարել ուրոլոգիական խորհրդատվություն։