Find us on Facebook
TAGS
PSA Sex Գոնոռեա ամորձու և մակամորձու բորբոքում արյունամիզություն բալանիտ բալանոպոստիտ բժիշկ-հիվանդ հարաբերություն գիրություն էրեկտիլ դիսֆունկցիա թլփատում խլամիդիա կանանց սեռական դիսֆունկցիա կնոջ սեռական կյանք միզաքարային հիվանդություն միզուկաբորբ միզուղիների ինֆեկցիաներ շագանակագեղձ շագանակագեղձի ադենոմա շագանակագեղձի արտազատուկ շագանակագեղձի բարորակ հիպերպլազիա շագանակագեղձի բիոպսիա շագանակագեղձի բորբոքում շագանակագեղձի հիվանդություններ շագանակագեղձի ներմիզապարկային մասնատում TURP շագանակագեղձի քաղցկեղ շաքարային դիաբետ պրոստատիտ սեռական կյանք սեռական ճանապարհով փոխանցվող ինֆեկցիաներ սեռական մղում սեռական ցանկություն սերմնաժայթքման խանգարումներ սերմնահեղուկ սեքս վաղաժամ սերմնաժայթքում վարիկոցելե տեստոստերոն տղամարդու անպտղություն տղամարդու ապրելակերպ տղամարդու առողջություն տղամարդու սեռական կյանք ցիստիտ օրգազմի բացակայություն ֆիմոզ

Posts Tagged ‘շագանակագեղձ’

Տարակարծություններ PSA-ի մասին (Controversies about PSA)

Տարակարծություններ PSA-ի մասին

(Controversies about PSA)

PSA

Պրոստատիկ սպեցիֆիկ անտիգենը (PSA) շագանակագեղձի էպիթելյալ բջիջների կողմից արտադրվող սպիտակուց է: Այս անտիգենը շրջանառության մեջ է մտնում արյան մեջ եւ ունի կարեւոր նշանակություն, հատկապես շագանակագեղձի քաղցկեղի ախտորոշման հարցում:

Սակայն PSA-ի բարձր մակարդակը (>4նգ/մլ) իրականում միշտ կապված չէ շագանակագեղձի քաղցկեղի հետ։ Երբեմն այդ բարձրացումը կապված է լինում շագանակագեղձի բորբոքման (պրոստատիտ) կամ ադենոմայի հետ։ Կան նաև այլ վիճակներ, որից հետո կարող է նույնպես նկատվել PSA-ի բարձրացում, օրինակ՝ շագանակագեղձի մասաժ, սերմնաժայթքում, երկար հեծանիվ վարել ևայն։

Շագանակագեղձի քաղցկեղի ախտորոշման մեջ PSA-ից բացի պետք է հաշվի առնել հիվանդի տարիքը, ընդհանուր առողջական վիճակը, ընտանեկան պատմությունը ևայլն։ PSA-ի սկրինինգը լավ գործիք է շագանակագեղձի քաղցկեղի վաղ ախտորոշման համար։ Սովորաբար խորհորդ է տրվում 45-50 տարեկանից սկսյալ տարին մեկ անգամ կատարել այս քննությունը։ Այս քննությունը կատարելու ժամանակացույցն ու հաճախականությունը տարբեր է։ PSA-ի նորման համարվում է մինչև 4նգ/մլ։ Սովորաբար մինչև 2նգ/մլ մակարդակի դեպքում կարելի է կատարել տարեկան մեկ անգամ, իսկ ավելի բարձր՝ տարին 2 անգամ։PSA

Շագանակագեղձի քաղցկեղի ախտորոշման համար շատ կարևոր է կիրառել օժանդակ հետազոտման մեթոդները՝ ուղիղ աղիքային մատնային քննություն, երբեմն ուղիղաղիքային սոնոգրաֆիա, ՄՌՏ և վերջապես՝ շագանակագեղձի բիոպսիա։

Շատ հաճախ PSA-ի հետազոտման արդյունքում առաջանում են կեղծ դրական կամ կեղծ բացասական արդյունքներ։ Կեղծ դրական տվյալը (բարձր PSA և քաղցկեղի բացակայություն) առաջացնում են լարվածություն թե հիվանդի և թե նրա ընտանիքի համար։ Իսկ այսպիսի հիվանդներին լրացուցիչ ու հաճախակի շագանակագեղձի պունկցիոն բիոպսիա կատարելը կարող է բերել մի շարք բարդությունների, ինչպիսին են ցավը, արյունամիզությունը և բորբոքումը։ Իսկ կեղծ բացասական պատասխանները (ցածր PSA և քաղցկեղի առկայություն) նույնպես ուշադրության արժանի են, քանի որ այս պարագայում վրիպում է քաղցկեղի վաղ ախտորոշումը։

PSA-ը նույնպես շատ կարևոր գործիք է շագանակագեղձի արմատական հեռացումից հետո ուռուցքային հիվանդության հսկողության առումով։ Հետևաբար նրա բարձրացումը կարող է ուռուցքի կրկնության նշան լինել։ Նա նույնպես հակաքաղցկեղային դեղորայքային բուժման հաջողության կամ ձախողության ցուցանիշ է։

Ամփոփ խորհուրդներ։

  • 45-50 տարեկան տղամարդկանց խորհուրդ է տրվում տարին մեկ անգամ դիմել ուրոլոգիական խորհրդատվության։
  • Ուրոլոգի ցուցումով կատարել՝ PSA քննություն, ուղիղ աղիքային մատնային քննություն, սոնոգրաֆիա, անհրաժեշտության դեպքում ուղիղաղիքային սոնոգրաֆիա։
  • Հսկողություն սահմանել հատկապես ռիսկային հիվանդների նկատմամբ, ում հարազատները (հայր, հօրեղբայր, եղբայր) ունեցել են շագանակագեղձի քաղցկեղ։
  • Չուրախանալ ցածր PSA-ի կամ տխրել՝ բարձր PSA-ի դեպքում։
  • Ուրոլոգի կողմից PSA-ի և հետազոտման այլ մեթոդների համատեղ կիրառումն ու ճիշտ վերլուծությունը, ինչպես նաև ժամանակին շագանակագեղձի բիոպսիայի կատարումը կարևոր է շագանակագեղձի քաղցկեղի վաղ ախտորոշման համար։

Ռաֆֆի Հ․ Ջանեցյան, ուրոլոգ


Այս թեմայի մասին ձեր հարցերը կարող եք հղել հոդվածի հեղինակ, բժ․՝ Ռաֆֆի Ջանեցյանին

Բոլոր դաշտերը լրացնելը պարտադիր է
Ձեր անուն, ազգանունը
Ձեր էլ. հասցեն
Թեմա
Ձեր հաղորդագրությունը
Մուտքագրեք պատկերված կոդը captcha
 

Հետ միզարձակման դրիբլինգի (Post-void dribbling)

Հետ միզարձակման դրիբլինգի (Post-void dribbling)Հետմիզարձակման դրիբլինգ(post voiding dribling)

Դրիբլինգ (dribling) կոչվում է այն երևույթը, երբ միզարձակումը ավարտելուց հետո տղամարդու վարտիքը թրջվում է մեզի հանկարծակի արտահոսքի պատճառով։

Հետ միզարձակման դրիբլինգի (Post-void dribbling) պատճառները շատ պարզաբանված չեն։ Հիմնական ենթադրյալ պատճառը կապված է կոնքի հատակի թույլ մկանների (հատկապես բուլբոկավերնոզ) հետ, որի արդյունքում երբ փակվում է միզապարկի ելքը, ապա միզուկի տվյալ հատվածում կուտակված մեզը ինքնահոս իջնում է ցած։

Որո՞նք են կոնքի հատակի մկանների թուլության պատճառները։

  • Շագանակագեղձի վիրահատություններ
  • Փորկապություն
  • Խրոնիկ հազ (հատկապես ծխողների մոտ)
  • Գերքաշ
  • Նյարդերի վնասում
  • Մշտական ծանրություն բարձրացնելը

Այլ պատճառներից են՝ ստորին միզուղիների ախտանշանները, որոնք հանդիպում են շագանակագեղձի տարբեր հիվանդությունների ժամանակ (ադենոմա, քաղցկեղ, պրոստատիտ)։ Այս ախտանշաններից են՝ հաճախամիզությունը, դժվարամիզությունը, ճիգերով միզարձակությունը ևայլն։

Ինչպե՞ս կանխել դրիբլինգը։

  1. Միզելու վերջում սպասել մի քանի վարկյան մինչև միզապարկի ամբողջական թատարկումը
  2. Ձախ ձեռքի երեք մատների ծայրերով սեղմել ամորձուց քիչ ներքևի հատվածը
  3. Այնուհետև միջին գծով մեղմորեն մատների ծայրերը սահեցնել դեպի առաջ՝ առնանդամի հիմքի ուղղությամբ
  4. Միզուկի մեզի թատարկումից հետո կրկնել այս գործողությունը մի քանի անգամ
  5. Ուժեղացնել կոնքի մկանները վարժությունների միջոցով
  6. Դիմել ուրոլոգիական խորհրդատվության

Ինչպե՞ս է կատարվում շագանակագեղձի ներմիզուկային մասնատումը (TURP):

Հարց։

Ես 58 տարեկան տղամարդ եմ, միզարձակման խանգարման կապակցությամբ ինձ ախտորոշվել է շագանակագեղձի ադենոմա և առաջարկվել ներմիզուկային մասնատում (ՏՈՒՌ)։ Կարող եք մանրամասնորեն նկարագրել այդ վիրահատության, հետվիրահատական ընթացքի և բարդությունների մասին։

Պատասխան։

Ռաֆֆի Ջանեցյան, ուրոլոգ

Ռաֆֆի Ջանեցյան, ուրոլոգ

Շագանակագեղձի ադենոմայի բուժման ամենաարդյունավետ եղանակն է համարվում ներմիզուկային մասնատումը կամ տրանսուրետրալ ռեզեկցիան։ Այս վիրահատությունը կատարվում է ողնուղեղային անզգայացման ներքո (հիվանդը զարթուն է և պորտից ներքև ցավազրկված է), երբ հատուկ գործիք է անցկացվում միզուկի միջոցով մինչև միզապարկ ու կատարվում է ցիստոսկոպիա։ Այնուհետև գործիքը փոխարինվում է ռեզեկտոսկոպով (այն գործիքը, որի միջոցով կատարվում է վիրահատությունը), և կատարվում է շագանակագեղձի գերաճած հյուսվածքի մասնատում։ Ադենոմայի կտորները հեռացվում են միզապարկի լվացման միջոցով, կատարվում է նաև արյունահոսող անոթների կուագուլիացիա (այրում)։ Սովորաբար այս վիրահատության ընթացքը տևում է 1-1.5 ժամ, վերջում տեղադրվում է եռաճյուղ ուրետրալ ֆոլեյ կատետր (խողովակ, որի միջոցով մի կողմից միզապարկը լվացվում է ստերիլ հեղուկով ու մյուս կողմից դուրս բերվում այն)։ Վերջինս հեռացվում է, երբ հիվանդի մեզը մաքրվում է , դա սովորաբար լինում հետվիրահատական 2-3 րդ օրերին, այնուհետև հիվանդը միզում է բնական ճանապարհով, որոշվում է մնացորդային մեզը, և տրվում են համապատասխան խորհուրդներ։

Շագանակագեղձի ներմիզուկային մասնատման բացարձակ հակացուցումները սովորաբար կարող են կապված լինել ուղեկցով ծանր հիվանդությունների հետ (սիրտ֊անոթային, թոքային, արյան մակարդելիության խանգարումներ, խրոնիկ երիկամային անբավարարություն, շաքարային դիաբետ․․․)։ Իսկ վիրահատական ցուցումներն են՝ ստորմիզապարկային խցանումները (հատկապես շագանակագեղձի բարորակ գերաճը), շագամակագեղձի ադենոմայով պայմանավորված՝ միզուղիների բորբոքումները, արյունամիզությունը, միզակապությունը, միզապառկի քարերը, ինչպես նաև միզապարկի և երիկամների ախտահարումը։

Որպես հետևանք մեծ մասամբ հետվիրահատական շռջանում հիվանդների մոտ կարող է դիտվել հետադարձ սերմնաժայթքում, իսկ հազվադեպ բարդություններից են՝ միզապարկի վզիկի սկլերոզը, միզուկի նեղացումները, էրեկտիլ դիսֆունկցիան, արյունահոսությունը ևայլն։

Շագանակագեղձի ներմիզուկային մասնատում (TURP)

Շագանակագեղձի առողջություն (prostate health)

Շագանակագեղձի առողջություն (prostate health)

Շագանակագեղձի (prostate) առողջության սպառնացող ախտանշաններն են.-

Շագանակագեղձի առողջություն (prostate health)

Շագանակագեղձի առողջություն     (prostate health)

  • Հաճախամիզություն
  • Դժվարամիզություն
  • Ցավոտ միզարձակություն
  • Արյունամիզություն
  • Հեմատոսպերմիա (արյուն սերմի մեջ)
  • Միզարձակման ընդհատում
  • Էրեկցիայի խանգարում կամ դժվարացում
  • Ցավոտ էրեկցիա
  • Հաճախակի ցավեր՝ մեջքի ստորին հատվածներում, վերցայլքային կամ շեքի շրջաններում

Վերոնշյալ ախտանաշանները կարող են հանդիպել շագանակագեղձի հիվանդությունների ժամանակ: Այդ հիվանդություններն են՝

Ռադիոառողջարան: Տղամարդկանց «երկրորդ սիրտը»

Ռադիոառողջարան (FM106.5): Առողջ տղամարդը ամուր  հայրենիքի գրավականն է: Մենք կարևորում ենք մեր տղամարդկանց առողջությունն ու Ուրուլոգիայի կենտրոնի ուրոլոգ` Ռաֆֆի Ջանեցյանի օգնությամբ բացահայտում առողջ տղամարդ ունենալու գաղտնիքները:

Ռադիոառողջարան (05.06.2014): Տղամարդկանց «Երկրորդ սիրտը»

Ռաֆֆի Հ. Ջանեցյան, ուրոլոգ

Ռաֆֆի Հ. Ջանեցյան, ուրոլոգ

Ե՞րբ և ի՞նչ նպատակով պետք է կատարել շագանակագեղձի արտազատուկի քննություն:

Հարց:Ե՞րբ և ի՞նչ նպատակով պետք է կատարել շագանակագեղձի արտազատուկի քննություն:

Պատասխան: Շագանակագեղձի արտազատուկի քննությունը (prostatic secretion test) կատարվում է այդ օրգանի բորբոքային հիվանդության ախտորոշման և բուժման նպատակով: Պրոստատիտը ամենատարածված ուրոլոգիական հիվանդություններից է: Այն բորբոքային հիվանդություն լինելուց բացի` ունի մեծ ազդեցություն տղամարդու միզասեռական և վերարտադրողական համակարգերի, և ընդհանրապես կյանքի որակի վրա: Հետևաբար, այս հիվանդության ճիշտ ախտորոշման համար կարևոր է չորս բաժականի քննությունը (4-glass test):

Շագանակագեղձի արտազատուկի քննություն (prostatic secretion test)

Շագանակագեղձի արտազատուկի քննություն (prostatic secretion test)

Հիվանդը ներկայանում է կլինիկա չմիզած վիճակում, հավաքվում են մեզի  1-ին, 2-րդ բաժինները, այնուհետև վերցվում է շագանակագեղձի արտազատուկը` ուղիղ աղիքային մատնային քննության միջոցով, որից հետո վերցվում է նաև մեզի 3-րդ բաժինը: Կատարվում է այս նմուշների միկրոսկոպիկ քննություն` բորբոքային բջիջների հայտնաբերման նպատակով, ինչպես նաև բակտերիոլգիական քննություն` միկրոբների տեսակն ու քանակը ճշտելու նպատակով: Ուրոլոգը իրավասու է տվյալ հետազոտությունը կատարելու` քանի որ բացի շագանակագեղձի բորբոքումից` գոյություն ունեն նաև այլ հիվանդություններ, ինչպիսին են`շագանակագեղձի ադեոման և շագանակագեղձի քաղցկեղը:

Սեռական ճանապարհով փոխանցվող ինֆեկցիաներ (ՍՃՓԻ)

Սեռական ճանապարհով փոխանցվող ինֆեկցիաներ (ՍՃՓԻ)

Sexually transmitted infections (STI)

Սեռական ճանապարհով փոխանցվող ինֆեկցիաները տարածված են ամբողջ աշխարհում: Փոխանցման ուղին սեռական կապն է  (հեշտոցային, բերանային կամ անալ):

Կան մի շարք ՍՃՓԻ-ներ, որոնցից են.-

  • Բակտերիալ (խլամիդիա, գոնոռեա, սիֆիլիս… )
  • Սնկային (Candidiasis)
  • Վիրուսային
    • Հեպատիտ A (Hepatitis A): Փոխանցման ուղին` բերանի և կղանքի միջոցով
    • Հեպատիտ B (Hepatitis B): Փոխանցման ուղին` թքի և սեռական արտազատուկի միջոցով
    • Հեպատիտ C,D (Hepatitis C,D): Հազվադեպ են փոխանցվում սեռական ճանապարհով
    • Հերպես 1,2 (Herpes simplex 1,2): Փոխանցման ուղին` մաշկի և լորձաթաղանթի միջոցով
    • Մարդկային պապիլոմովիրուս  (Human Papillomavirus, HPV): Փոխանցման ուղին` մաշկի և լորձաթաղանթի միջոցով, երբեմն կարող են առաջացնել սեռական գորտնուկներ
    • Մարդկային իմունոդիֆոիցիտային վիրուս (Human Immunodeficiency Virus, HIV): Փոխանցման ուղին` սերմի, արյան, կրծքի կաթի և սեռական արտազատուկի միջոցով
    • Մոլյուսկ (Molluscum contagiosum virus): Մոտիկ շփման միջոցով
  • Նախակենդանիներ (Protozoal): Տրիխոմոնիազ (Trichomoniasis)
  • Պարազիտներ (Protozoas): Քոս (Scabies)

Ստորև ներկայացնում ենք սեռական ճանապարհով փոխանցվող հավանական ինֆեկցիաներն ու նրանց վարակման ուղիները.-

ՍՃՓԻ

1

2

3

4

5

6

7

8

Կոկորդի խլամիդիա (Throat chlamydia)

+

Կոկորդի գոնոռեա (Throat gonorrhea)

+

Հերպես (Herpes)

+

+

+

+

+

+

+

Մարդկային պապիլոմովիրուս (HPV)

+

+

+

+

+

Սիֆիլիս (Syphilis)

+

+

+

+

+

Խլամիդիա(Chlamydia)

+

+

+

+

Գոնոռեա (gonorrhea)

+

+

+

+

Ցայքի ոջիլ (Crab louse)

+

+

+

Քոս (Scabies)

+

+

+

Հեպատիտ B (Hepatitis B)

+

+

+

Մարդկային պապիլոմավիրուս (HIV)

+

+

+

Տրիխոմոնիազ (Trichomoniasis)

+

Ամիոբա (Amebiasis)

+

Cryptosporidiosis

+

Giardiasis

+

Հեպատիտ A (HepatitisA)

+

Շիգիլիոզ (Shigellosis)

+

Հեպատիտ C  (HepatitisC)

+

+

  1. Հեշտոցային
  2. Բերանային (երբ տղամարդն է կատարում )
  3. Բերանային (երբ կինն է կատարում)
  4. Բերանային (երբ տղամարդուն են կատարում )
  5. Բերանային (երբ կնոջն են կատարում)
  6. Անալ (ակտիվ)
  7. Անալ (պասիվ)
  8. Լեզու-հետանցքային

ՍՃՓԻ պաթոֆիզիոլոգիական ճանապարհն է համարվում հիմնականում` առնանդամի, հեշտոցի, ուղիղաղիքի և միզուղիների լորձաթաղանթի հետ կոնտակտը: Ավելի նվազ, սակայն նույնպես վարակման ուղի է համարվում` բերանի խոռոչի, կոկորդի և շնչուղիների լորձաթաղանթները: Հետևաբար սեռական արտազատուկի աննշան կոնտակտն անգամ վերոնշյալ լորձաթաղանթներին համարվում է ինֆեկցիայի փոխանցման պատճառ: Ընդունված է կենտրոնանալ միայն հեշտոցային սեռական հարաբերությունից առաջացած ինֆեկցիաների վրա, սակայն միաժամանակ պետք է ամրագրել, որ ավելի հեշտ է ինֆեկցիայի անցումը բերանից` սեռական օրգաններ, և հակառակը: Երբեմն մաշկի կոնտակն է համարվում փոխանցման ուղի, և սա տեղի է ունենում հատկապես հերպեսի և պապիլոմաների ժամանակ: Ճիշտ է, որ ՍՃՓԻ փոխանցվում են տարբեր տեսակի սեռական հարաբերությունների ժամանակ, սակայն այնուհետև փոխանցման ուղին կարող է փոխվել, ինչպես օրինակ` մարդկային իմունոդիֆիցիտային վիրուսով վարակը տեղի է ունենում սեռական հարաբերության հետևանքով, այնուհետև կինը կարող է վարակել իր երեխային հղիության կամ կրծքով կերակրելու ժամանակ: Շատ կարևոր է ուշադրություն դարձնել այն փաստին, որ ոչ բոլոր ՍՃՓԻ-ը ունեն ախտանշաններ: Որոշ ինֆեկցիաներ լինում են անախտանիշ: Իսկ այս ժամանակաշրջանը կարող է նպաստել վարակի տարածմանը: Չբուժված ՍՃՓԻ-ը կարող են առաջացնել խրոնիկական պրոստատիտ և անպտղություն: Յուրաքանյուր ինֆեկցիա ունի իր գաղտնի շրջանը, որի ընթացքում սեռական հարաբերությունը նույնպես համարվում է փոխանցիկ: Անախտանիշ կարող են լինել` խլամիդիան, գոնոռեան, սիֆիլիսը, տրիխոմոնիազը և հերպեսը:

Կանխարգելման համար խորհուրդ է տրվում.-

  • Օգտագործել պահպանակներ
  • Խուսափել պատահական սեռական հարաբերություններից
  • Բուժել անախտանիշ սեռական ինֆեկցիաները
  • Ստուգել պարտնյորների սեռական ինֆեկցիաները
  • Կատարել պատվաստումներ (հեպատիտ A,B-ի դեպքում)
  • Խուսափել սեռական հարաբերությունից` սեռական օրգանների շրջանում բաց վերք լինելու դեպքում

Սեռական ճանապարհով փոխանցվող ինֆեկցիաների մասին հարցերը կարող եք հղել ուրոլոգ` Ռաֆֆի Ջանեցյանին

Ռաֆֆի Հ. Ջանեցյան, ուրոլոգ  Raffi H. Janesian, urologist

Ռաֆֆի Հ. Ջանեցյան, ուրոլոգ Raffi H. Janesian, urologist

.-

Բոլոր դաշտերը լրացնելը պարտադիր է
Ձեր անուն, ազգանունը
Ձեր էլ. հասցեն
Թեմա
Ձեր հաղորդագրությունը
Մուտքագրեք պատկերված կոդը captcha
 

Շագանակագեղձի մերսում (prostate massage)

Շագանակագեղձի մերսում (prostate massage)

Շագանակագեղձի մերսումը (prostate massage) կիրառվում է բժշկական կամ սեռական ստիմուլիացիայի նպատակով:  Շագանակագեղձը հանդիսանում է կարևոր օրգան սեռական ստիմուլիացիայի և սերմնաժայթքման առումով: Այն գտնվում է ուղիղ աղիքի առաջնային պատի տակ, հետևաբար նրա մասաժը կատարվում է ուղիղաղիքային մանտային քննության միջոցով (ՈՒՄՔ):

ՈՒՄՔ կիրառվում է ուրոլոգիական մի շարք հիվանդությունների ախտորոշման  (շագանակագեղձի քաղցկեղ, ադենոմա և պրոստատիտ), ինչպես նաև շագանակագեղձի արտազատուկի հետազոտման նպատակով: Շագանակագեղձը հանդիսանալով G կետ, նրա մասաժը կարող է առաջացնել  նաև սեռական գրգռվածություն և օրգազմ:

Շագանակագեղձի մերսումը նախկինում կիրառվել է խրոնիկական պրոստատիտի բուժման նպատակով, և շարունակվում է կիրառվել որոշ երկրներում: Սակայն ունի մի շարք հակացուցումներ, ինչպիսին են` սուր պրոստատիտը, որի ժամանակ կարող է առաջանալ սեպսիս: Շագանակագեղձի քաղցկեղը նույնպես հակացուցում է մասաժի համար:

Շագանակագեղձի մերսումը  կատարվում է նուրբ եղանակով և հատուկ քսուքների օգնությամբ:

Այժմ գոյություն ունեն արդի սարքավորումներ, որոնք բազմաֆունկցիոնալ են և օգտագործվում են շագանակագեղձի մերսման, արյան շրջանառոության լավացման և ստիմուլիացիայի համար:

Գիշերամիզություն (Nocturia)

Գիշերամիզություն (Nocturia)

Գիշերամիզություն (Nocturia կամ Nicturia), դա գիշերվա ընթացքում միզարձակման նպատակով զարթնելն է: Այն հանդիպում է հղի կանանց և մեծահասակների մոտ: Երբեմն մինչ քնելը մեծ քանակությամբ հեղուկի ընդունումն է գիշերամիզության պատճառը : Երբեմն պատճառները լինում են ավելի լուրջ, ինչպես` խրոնիկական երիկամային անբավարարությունը, վահանագեղձի հիպերֆունկցիան, քնի ապնոեն, անմիզապահությունը, միզուղիների բորբոքումները, ցիստիտը, շաքարային դիաբետը, շագանակագեղձի հիվանդությունները (ադենոմա, պրոստատիտ, քաղցկեղ):

Շագանակագեղձի քաղցկեղը համարվո՞ւմ է ժառանգական հիվանդություն:

Հարց: Շագանակագեղձի քաղցկեղը համարվո՞ւմ է ժառանգական հիվանդություն:

Պատասխան: Ի տարբերություն այլ քաղցկեցների, շագանակագեղձի քաղցկեղի հավանականությունը աճում է տարիքի հետ: Այսպես 40 տաեկանից ցածր հանդիպում է` 1/10000, 40-60` 1/100, 60-80`1/8: Ընտանեկան պատմությունը համարվում է ռիսկային գործոն: Շատ կարևոր է նաև ընտանիքի անդամի (հայր, հորեղբայր…) քաղցկեղով հիվանդանալու տարիքը: Այսպես եթե մեկի հայրը հիվանդացել է շագանակագեղձի քաղցկեղով 70 տարեկան հասակում, ապա նրա որդու քաղցկեղով հիվանդանալու հավանականությունը մեծանում է` 4 անգամ  60 տարեկանի դեպքում, իսկ 50 տարեկանի դեպքում` 7 անգամ: Այսպիսով, շատ կարևոր է ուշադրություն դարձնել այս հանգամանքին և գտնվել ուրոլոգիական հսկողության ներքո` բացառելու շագանակագեղձի քաղցկեղային ախտահարումը, կամ վաղ ախտորոշելու և համապատասխան բուժում ստանալու նպատակով:

Ռաֆֆի Հ. Ջանեցյան, ուրոլոգ